Oddgeir Einarsson

Oddgeir hefur í yfir tvo áratugi flutt hundruði mála á öllum dómstigum hér á landi og einnig fyrir EFTA-dómstólnum í Luxemborg. Hann hefur komið að málum einstaklinga sem og fyrirtækja. Meðal annars gætti hann hagsmuna eins olíufélaganna í olíusamráðsmálinu svokallaða og skaðabótamálum tengdu því árin 2003-2006. Þá var hann lögmaður Bank of Tokyo í Hæstaréttarmáli nr. 17/2013 þar sem viðurkennd var krafa upp á 50 milljónir bandaríkjadala úr hendi Kaupþings banka. Árið 2017 skipaði Hæstiréttur Íslands Oddgeir verjanda Sævars Marinó Ciesielski í endurupptökumáli Hæstaréttar nr. 521/2017 þar sem skjólstæðingur hans var sýknaður. Eftir breytta dómstólaskipan 1. janúar 2018 hafa umbjóðendur Oddgeirs í barnverndarmálum tvívegis fengið dóma héraðsdóms og Landsréttar ómerkta í Hæstarétti, sbr. mál nr. 26/2018 og 49/2019.

Helstu svið Oddgeirs:

Fjölskylduréttur: skilnaðarmál, forsjármál og barnaverndarmál.

Sakamál: verjendastörf og réttargæsla brotaþola.

Skaðabótamál: bótamál vegna þvingunarráðstafanna lögreglu á borð við handtöku, líkamsleit og húsleit og aðgerða barnaverndaryfirvalda á borð við vistun utan heimilis.

Annað: skiptaréttur, samkeppnisréttur, samningaréttur.